شهفهق/ ئئتلاف فراكسیونهیل كوردستانى ئاشكرایهو كردگه ك بڕیار داگردن ئاڵاى كوردستان
له بان بنایهى دام و دهزگا حكوومیهگان شار خانهقین له لایهن حكوومهت مهحهلى دیالهوه دهرچگه نهگ مالكى و یهیش خستگهسه روى ك مهردم ناوچهیل داوڕیاگ خوهیان چارهنویس خوهیان دیارى كهن و فهرمان هویچ لایهنیگ لهو باوهته جیوهجى نیهكهن.موئهیهد تهیب قسهكهر وهناو ئئتلاف فراكسیونهیل كوردستانى لهى باوهته وهشهفهق نیوز وتگه: ئهرامان دهركهفتگه ك بڕیار داگردن ئاڵاى كوردستان له بان بنایهى دام و دهزگا حكوومیهگان له خانهقین لهلایهن حكوومهت مهحهلى دیالهوه دراتگه نهگ سهروك حكوومهت نورى مالكى.
تهیب ئاشكرایهو كردگه ك جیوهجى كردن مادهى 140 كلیل چارهسهر سهرجهم كیشه و گرفتهیل ناوچهیل داوڕیاگه و بایهد ئى مهسهله ههرچى زویتر یهكلاوه بكریهێ تا نهوده كیشهى گهورایگ له ناونى ههردو حكوومهت بهغدا و ههرێم كوردستان. قسهكهر وهناو ئئتلاف فراكسیونهیل كوردستانى لهبان یهیش جهخت كردگه ك مهردم ناوچهیل داوڕیاگ خوهیان بایهد چارهنویس خوهیان دیارى بكهن و بڕیار بیهن بكهفنه بان ههرێم كوردستان یا له ژیر دهسهڵات حكوومهت بهغدا بمینن.
| < پێشتر | دواتر > |
|---|
