شهفهق/ نوێنهر كوردهیل فهیلى له پهرلهمان كوردستان تهئكید كردگه ك حكوومهت عراقى
لهى دویاخره چهندین ههڵهى گهپ كردگه یهیش له وهختیگه عراق لهى قوناغه نیاز وهئارامى و سهقام دیرێ و بڕیار داگردن ئاڵاى كوردستان له خانهقین تاقیكردنهوهى كاردانهوهى لایهن كوردى بویه.عهلى حوسێن فهیلى له باوهت بڕیار بهغدا سهبارهت وه داگردن ئاڵاى كوردستانى له خانهقین له تهسریحیگ ئهرا شهفهق نیوز وت: عراق لهى قوناغه نیاز وه ئارامى و سهقام ئهرا چهسپانن دهوڵهت موئهسهسات و ههمیش نیاز وه ئاڵشت كردن دیدگاى كورد له وهراوهر حكوومهت ناوهند دیرێ.
فهیلى وهیهیش ئاماژه كردگه ك حكوومهت بهغدا لهى یهك مانگ دویاخره سێ ههڵهى گهپ كردگه یهكمیان ئهوه بویه ك كورد له بهغدا وهمیوان له قهڵهم داگه و دویم خوازیار ئهوه بویه كوردهیل فهیلى بوونه پێكهاتهى سهروهخوهیگ و سێیمیانیش بڕیار داگردن ئاڵاى كوردستانى له خانهقین دهركردگه.
نوێنهر كوردهیل فهیلى له پهرلهمان كوردستان له بان یهیش جهخت كردگه ك ئاڵاى كوردستان تهنیا تیكهیگ پارچه نیه بهڵكم سهروهرى مللهتیگه و ئهرا سهرجهم مللهت كوردستان پیرۆزه.
| < پێشتر | دواتر > |
|---|
