شهفهق/ سهروك پهرلهمان كوردستان دویهكه له كۆنفرانسیگ رووژنامهگهرى رووشنایى
خسته بان چهن باوهتیگ ئمڕووى كوردستان و عراق و ناوهڕوك سهردانهگهى ئهرا ئهمریكا.كهمال كهركوكى له باوهت ئاڵوگوڕكردن پۆست سهروك پهرلهمان و سهروك حكوومهت وت: ئهو مهسهله سپاردیمهسه ههردو سهروك تاڵهبانى و بارزانى و ههر بڕیاریگ لهو باوهته بیهن ئیمه جیوهجیى كهیم. كهركوكى ئهوهیش خسته ڕوى ك مللهت كورد جوور مللهتهیل تر دونیا حهق خوهیه دهوڵهتیگ داشتوود، لهوهر ئهوهگ ههم خاك و ههم زووان تایبهت وهخوهى دیرێ و ژمارهى مهردمهگهى 45 ملیون نهفهره و رویوهر خاكهگهى له عراق گهوراتره. سهروك پهرلهمان كوردستان له كووتایى قسیهیلهگهى وت: ئهو بڕیار سهروك حكوومهت عراقه ك له باوهت لاوردن ئاڵاى كوردستان دریاگه بڕیار مالكى نهویه بهڵكم بڕیار وهزارهت ناوخوهى عراق بویه ك فهرمان داگهسه هێزهیل پۆلیس، ئاڵاى كوردستان له شوونهیل رهسمى ههڵگیریهێ و كوردیش ئامادهس ئهرا ئهو ئاڵا گشت قوروانییگ بیهێد و ههرگز سازش لهبانى ناكا.
| < پێشتر | دواتر > |
|---|
