شهفهق/ نورى مالكى سهروك ئهنجوومهن وهزیرهیل عراق دویهكه خوازیار ئهوه بوى
ئهنجوومهنیگ نیشتمانى باڵا ئهرا عهشرهتهیل عراقى دروس بكریهێ ئهرا ئهوهگ كارهیلیان له بان بنهواى نیشتمانى رێك بخهێد.سهروك حكوومهت عراق دویهكه له نویسنگهى رهسمى خوهى پیشوازیكرد له ژمارهیگ له سهران عهشایر و ناودارهیل شار سهدر له بهغدا و خوازیار ئهوه بوى ك ئهنجوومهنیگ نیشتمانى باڵا ئهرا سهرجهم عهشرهتهیل عراقى دامهزریهێ تا وهشیوهى نیشتمانى و دهستورى كاروباریان رێك بخهێد و ئهوانیش پشتیوانیگ ئهرا دهزگا دهستوریهگان دهوڵهت بوون.
نویسنگهى مالكى وهدهركردن بهیانیگ ك كۆپییگى ئهرا شهفهق نیوز كل كریاگه زیاتر وتگه: یهكیگ له ئهركهیل عهشایر ئهوهسه ك له وهختهیل سهخت مهسئولیهت خوهیان جیوهجى كهن و ههرچهن ك رژیم گوزهیشته كار ئهرا لهیهك چهكانن شیرازهى عهشایر كردیاد وهلى عهشرهتهیل تویهنستن یهكیهتى و یهكگرتن و ههڵوێستهیل نیشتمانى خوهیان بپارێزن.
شاند عهشایر شار سهدریش له بان پشتگیرى له حكوومهت ئهرا بهرقهرارى ئاسایش و سهقام و جیوهجى كردن یاسا و دهستور تهئكید كرد.
| < پێشتر | دواتر > |
|---|
