شهفهق/ ڕووژ لهدويای ڕوژ شمارهی كرانشینهيل لهههرێم كوردستان ڕوى لهزیاێبوينه، ئيسهيش شمارهی
كرانشينهيل لهههردو پارێزگای ههولێر و سلێمانی نزیكهی (20) ههزار خێزانن، ئاماژه وهوهيش كريهێد، ئهگهر گرفت كهمی نیشتهجيبوين وهشێوهیگ گونجياگ چارهسهرنهكريهێد، ئهو ڕێژه ڕوى له بهرزهوبوين ئهكا.
(بهرههم سهردار) وهرپرس ڕهسانن كومهڵهی كرانشینهیل ههرێم كوردستان وه ئاژانس دهنگوباس ناوخۆ وتگه، وهگوررهی ئهو ئاماره ك لقو نويسینگهیل كومهڵهی كرانشینهیل كوردستان جهميانهو كردگهسهو و رهسيهسه دهسيان وهتایبهت لهسلێمانی، ههولێر، گهرمیانو قهزای سۆرانو خانهقین شمارهی كرانشینيان رهسیهسه 32%.
بهرههم سهردار ئاشكرايهو كرد، ئيسهيش ڕێژهی كرانشينی وهرهو زیاێبوين ئهچێ، چوينكه ڕووژانه خێزان نوو دروس بوود، داوايش لهپهرلهمانی كوردستان كرد ك بایهخ زیاتر بيهێده كێشهی نیشتهجيبوين.
ناوبرياگ ههميش وت، كاراكردن یاسای شماره حهفت تایبهت وهدروسكردن ماڵ، ئهرا مهردم ههژار و كهمدهرامهت ههنگاوێگ گرنگه ئهرا چارهسهركردن كێشهی نیشتهجيبوين لهههرێم كوردستان.
ئاماژه وهوهيشكرد، یهكێگ لهخاسترین خاڵهیل یاسای شماره حهفت تایبهت وهدروسكردن خانووبهره، وهخشين كهسهگهس لهلايهن حكوومهت، ئهگهر لهژیان نهمهن قهرزهگهی لهلی نیهسهنريهێدهو.
جی باسه، كومهڵهی كرانشینهيل كوردستان لهساڵ 2004 دامهزرياگه، ئيسهيش لهسلێمانیو ههولێرو سۆرانو گهرمیانو خانهقین لق ديرێ.
| < پێشتر | دواتر > |
|---|
