شهفهق/ وهزارهت كووچ و كووچ وهپیكریاگهیل تهئكید كردگه ك دهركردن پهنابهرهیل
عراقى له بڕێگ وڵاتهیل وهبى ئاگادارى حكوومهت عراقى ئهنجام گرێ و له بان یهیش تهئكید كردگه ك هویچ رێككهفتنیگ له ناونى عراق و ئهو وڵاتهیله له باوهت دهركردن پهنابهرهیل عراقى وهزوور ئهمزا نهكریاگه.ئهسغهر موسهوى وهكیل وهزارهت كووچ و كووچ وهپیكریاگهیل له تهسریحیگ ئهرا شهفهق نیوز وتگه: دهركردن پهنابهرهیل عراقى له چهن وڵاتیگ وهبى ئاگادارى و ههماههنگى وهل حكوومهت عراقى ئهنجام گرێ.
موسهوى بیجگه تهئكید كردن له بان نهوین هویچ رێككهفتننامهیگ له ناونى عراق و ئهو وڵاتهیله وتگه: وڵاتهیل دونیا وهگورهى یاسایهیل خوهیان وهل پهنابهرهیل رهفتار كهن و ئیمنه ناتویهنیم دخالهت له كاروباریان بكهیم.
جى باسه لهى ساڵهیل دویاخره مهرجهیل قهبول كردن پهنابهرهیل له وڵاتهیل جههان سهختهو كریانه و تا ئیسه سهدان هاووڵاتى عراقى ك زوورمیان كورد بوینه وهزوور ئهرا عراق كلهو كریانه.
| < پێشتر | دواتر > |
|---|
