شهفهق/ سهفیر وهزارهت كاروبار خارجیه له سهروكایهتى كومار دویهكه ئاشكرایهو
كردگه ك حزبهیل كوردستانى ههمراێ له سیاسهت دویرهوخستن كوردهیل فهیلى له پۆستهیل پهیڕهوى كهن و یهیش خستگهسه روى ك ژمارهى فریهیگ له كوردهیل فهیلى خاوهن باوهڕنامهیل بهرزن و سهر وهحزبهیل سیاسى نین بیكارن و له دهرفهتهیل كارى بیبهش كریانه.عادل موراد له تهسریحیگ ئهرا شهفهق نیوز وتگه: حزبهیل كوردستانى هیمانى سیاسهت دویرهوخستن كوردهیل فهیلى له پۆستهیل وهكار گرن لهوهر ئهوهگ حزبى نین.
موراد زیاتر وتگه: پرۆسهى سیاسى له ساڵ 2003 تائیسه شایهت كاندید كردن كهسایهتیهیل بى توانا ئهرا پۆستهیل گرنگ بویه وهخاتر ئهوهگ ئهو كهسهیله سهروه ئى حزب یا ئهو حزب بوینه و ئى پرسیاره خستگهسه ڕوى ك چوین بوود كهسیگ ك پسپۆر بوود له كهنین چاڵ ئاو بووده وهكیل وهزیر نهفت.
عادل موراد لهبان یهیش تهئكید كردگه ك ژمارهى فریهیگ له كوردهیل فهیلى ئهڵگر باوهڕنامهیل بهرزن وهپلهى پرۆفیسۆر و دوكتورا وهلى لهوهر ئهوهگ سهروه حزبهیل سیاسى نین له دهرفهتهیل كارى و پۆستهیل جووروهجوور بوود بهش كریانه.
| < پێشتر | دواتر > |
|---|
