شهفهق/ ئئتلاف فراكسیونهیل كوردستانى ئاشكرایهو كردگه ك میكانیزمیگ ئهرا
یهكلاوهكردن جیوهجى كردن مادهى 140 ئاماده كردگه و له دانیشتن فراكسیونهیل سیاسى خهیدهى روى و یهیش ئاشكرا كردگه سهركردایهتى سیاسى و مهردم نگهرانن له قوناغ دویاى جیوهجى كردن مادهگه.نهجیبه نهجیب ئهندام ئئتلاف فراكسیونهیل كوردستانى له تهسریحیگ ئهرا شهفهق نیوز وتگه: ئئتلافهگهى میكانیزمیگ ئهرا جیوهجى كردن مادهى 140 دهستور ئاماده كردگه و له دانیشتن ئمڕوو فراكسیونهیل سیاسى خهیدهى روى و یهیش خستگهسه هویر ك جیوهجى كردن ئى ماده هاله بهرژهوهندى وڵات لهوهر ئهوهگ سهرجهم ئهو ناوچهیله ك له سهردهم رژیم بهعس رمیاگ كهفتنهسه وهر سیاسهت ئاڵوگوڕ دیموگرافى سهرلهنوو خریهنه بان پارێزگایهیل وهرین خوهیان.
نهجیبه نهجیب زیاتر وتگه: بهش فرهیگ له ناوچهیل كوردنشین خریانهسه بان پارێزگایهیل تر و وهى خاتره كورد مكوڕه له بان یهكلاوهكردن مادهى 140 ك بهشیگه له رێككهفتن ناونى فراكسیونهیل سیاسى.
| < پێشتر | دواتر > |
|---|
