شهفهق/ دویهكه چوارشهممه، سهركردهیگ پارت دیموكرات كوردستان ك سهرۆك ههرێم كوردستان مهسعود بارزانى
سهرۆكایهتیى ئهكا، تهئكید لهوه كرد ك وهگوورهى ئهو ریككهفتننامهى ستراتیجیه لهناونى حزبهگهى و یهكێتى نیشتمانى كوردستان ك سهرۆك كومار جهلال تاڵهبانى سهرۆكیه، سهرۆكایهتى حكوومهت لهناونى مانگ ئاینده ئاڵشت كریهێد.
مهحموود محهمهد ئهندام مهكتهب سیاسى پارت دیموكرات كوردستان له دیداریگ وهل گوڤار(گوڵان)نزیك له حزبهگهى، وتگه: مانگ ئاینده ئاڵشتكردن حكوومهت ههرێم ڕوى ئهیا وهگوورهى ئهو رێككهفتننامهى ستراتیجیه ك لهناونى ههردوگ حزبه سهرهكیهگه(پارت دیموكرات كوردستان و یهكێتى نیشتمانى كوردستان)لهههرێم ئمزا كریا.
لهباوهت پهیوهندى ناونى پارت دیموكرات كوردستان و یهكێتى نیشتمانى كوردستان و حزبهیل ئۆپۆزسیۆنیش، ناوبریاگ، تهئكید لهوه كرد، ك ههرچهنى بڕیگ جیاوازى لهدید ئهڕاى چوین ههس، وهلى گشت لایهنهیل، نوێنهر پێكهاتهیل كوردستانین و لهههمان وهخت وهرپرسن لهبان چارهنویس ههرێم و بایهسه گشتیانیش یهك دهنگ داشتوون له كیشهیل نهتهوهیى. جى باسه جویر ههقیگ بایهسه سهرۆكایهتى حكوومهت بدریهێده دهس پارت دیموكرات كوردستان وهگوورهى ئهوهك گشت دو ساڵیگ سهرۆك حكوومهت ئاڵشت بكریهێ.
| < پێشتر | دواتر > |
|---|
