شهفهق/ دویهكه سێشهممه، وهزارهت پهروهرده وشیارى دا ئدارهى خوهندنگایهیل له گشت پارێزگایهیل، ئهویش
وهو خاتره ك خوهندكارهیلیان نارنه كار ئهرا پاكهوكردن بنایهى خوهندنگایهیل یا وهرگرتن پویل له خوهندكارهیل وهرانوهر پێشكهشكردن خزمهتگوزارى، چوینكه ئى حاڵهته وهچهواشهى دهستوور زانست و سهرپیچیكهرهیلیش وه سزاى تونیگ رهسنێد.
قسهكهر وهناو وهزارهت پهروهرده وهلید حهسهن ئهرا "شهفهق نیوز" وتگه: وهزارهت پهروهرده لهى باوهتهو وشیارى داگهسه ئدارى خوهندنگایهیل لهگشت پارێزگایهیل ئهرا رویداین ئى جووره كاریگ و لهههمان وهخت داوایش له داڵگ و باوگ خوهندكارهیل كردگه خهوهردار وهزارهتهگه لهبان ههر سهرپیچیكردنیگ یاسایى بكهن.
حسێن بیجگه ئهوهیش ئاشكراى كردگه، ك گشت كتاوهیل ساڵ خوهندن ئاماده كریانهئهرا بهشهوكردن لهناو خوهندكارهیل لهگشت قوناغهیل خوهندن.
| < پێشتر | دواتر > |
|---|
