شهفهق / ئمڕوو سێشهممه، فراكسیۆن كوردستانى ئاشكراى ئهوه كرد
ك شاند كلكریاگ ئهرا بهغدا دهسنیشان میكانیزم یا ئالیهت ئهرا چارهسهر جیاوازى و كیشهیل چارهسهرنهكریاى ناونى فراكسیۆنهیل سیاسى و جیوهجیكردن بهندهیل مهندگ رێككهفتنهگهى ههولێر ئهكا.لهى باوهتهو پهریزاد شهعبان پهرلهمانتار فراكسیۆن كوردستانى له پهرلهمان عراق ئهرا" شهفهق نیوز" وتگه: شاند كلكریاگ حكوومهت ههرێم ئهرا بهغدا، دهس ئهكاده تاوتویكردن كیشهیل جیاوازى ناونى فراكسیۆنهیل سیاسى و گهردین لهشوون میكانیزم یا ئالیهتیگ ئهرا چارهسهركردنى وهگوورهى ئهو رێككهفتنهیل ئمزاكریاگه لهناونیان، ك جهخت لهوهیش كرد ئى شانده بایهسه ئى جاره یهكلاى داواكاریهیل كورد بكا.
شهعبان زیاتر ئاشكراى كردو وت: ئئتلاف دهوڵهت یاسا وڕگ ئهوه گرێ ك گوایا رێككهفتنهیل ههولێر بهندهیلیگ هالهتى چهواشهى دهستووره، بیگومان ئى كاریشه دژ ئهو ههڵویستهیلهسه، چوینكه گشت لایهنهیل ئمزا لهبان ئهو رێككهفتنهیله كردنهو لهوانهیش سهرۆك حكوومهتهگهیان و ههر خوهیشى داوا له فراكسیۆنهیل سیاسى كرد پابهند بوون وهو پهیمانه.
| < پێشتر | دواتر > |
|---|
