شهفهق/ لیژنهى ئابوورى ئهنجوومهن نوێنهرهیل عراق دویهكه ئعلان كرد گوژمهى
تهرخان كریاگ ئهرا پرۆژهیل پێشكهش كریاگ له لایهن بێ كارهیل ئهرا 20 ملیون دینار عراقى زیایهو كریاگه و له ههمان وهختیش تهئكید كردگه ك ئهو پویله وهبى نهف یا سوود دریهێده بێ كارهیل. سهلمان موسهوى ئهندام لیژنهگه له تهسریحیگ ئهرا شهفهق نیوز وتگه: ههر بێ كاریگ ك داواكارى پرۆژهیگ پێشكهش وهزارهت كار و كاروبار كومهڵایهتى بكا 20 ملیون دینار وهقهرت دریهێده پى وهبى ئهوهگ هویچ نهف یا سوودیگ بخریهێده بانى و ئى كاره تهنیا ئهرا دهسمهیهتداین بێ كارهیله.
موسهوى زیاتر ئاشكرایهو كردگه ك ژمارهى بێ كارهیل ئهوانهگ ناویان له وهزارهت كار و كاروبار كومهڵایهتى ناونویس كریانه ژمارهیان ڕهسێده نزیكهى یهك ملیون كهس و مونحهى دیاریكریاگ ئهرایان له پانزه ئهرا بیس ملیون دینار زیاێ كریاگه وهمهرجیگ پرۆژهیگ ئابوورى له بوارهیل پیشهسازى یا كشتوكاڵ یا بازرگانى داشتوون یا پرۆژهیگ ك تایبهت وه بیوهژنهیل بوود.
| < پێشتر | دواتر > |
|---|
