شهفهق/ شیهوكهریگ سیاسى كورد ئویشێد سهروك وهزیرهیل عراق نورى مالكى
نیهتهیل كورد ئهرا جیاوهبوین له ناوهند ئاشكرا كردگه و باس یهیش كردگه ك پهیوهندیهیل بهغدا و ههولێر له بان بنهواى بتهویگ نهسازریاگه بهڵكم تهنیا موجامهلهى سیاسى بویه. نهدیم سهعید وهیسى شیهوكهر سیاسى كورد له تهسریحیگ ئهرا شهفهق نیوز وتگه: پهیوهندیهیل حكوومهت ههرێم كوردستان وهل حكوومهت بهغدا ههمیشه پهیوهندى راسكانى نهویه و وهیهیش ئاماژه كردگه ك كورد نهخش گرنگیگ له بهغدا بازى نهكردگه و نهخش كورد له شوون ئهو سسهوبوینه ك له پهیوهندیهیل وهل بهغدا وهدیهاتگه لاوازترهو بویه.
وهیسى یهیش خستگهڕوى ك كورد له باوهت كێشهیل دارایى گلهیى له حكوومهت بهغدا ئهكا و كێشهیل گرنگیگ جوور كهركوك و ناوچهیل داوڕیاگ و مادهى 140 و یاساى نهفت و غاز له هویرهو بردنه و وهیهیش ئاماژه كردگه ك بهغدا له كیشهیل دارایى دریغى نهكردگه وهلى ژێروهژێر دریژه دهێده سیاسهت وهعهرهب كردن ناوچهیل داوڕیاگ له خاك كوردستان.
| < پێشتر | دواتر > |
|---|
