شهفهق/ لیست عراقیه تهئكید كردگه ك كیشمهكیش ئى دویاخره له ناونى ئئتلاف
فراكسیونهیل كوردستانى و دهوڵهت یاسا ئهرا وهدهسهاوردن دهسكهفتهیل سیاسیه و وهیهیش ئاماژه كردگه ك هاوپهیمانیهیل ئایندهى وهل ئهو لایهنهیله ئهنجام گرێد ك هاوڕا بوون وهل پرۆژه سیاسیهگهى.ناهده داینى ئهندام لیست عراقیه له تهسریحیگ ئهرا شهفهق نیوز وتگه: كیشمهكیش ئى دویاخره له ناونى ئئتلاف فراكسیونهیل كوردستانى و دهوڵهت یاسا وهخاتر وهدهسهاوردن دهسكهفتهیل سیاسیه وهلى ناكووكى عراقیه وهل فراكسیونهگهى مالكى وهخاتر پرۆژهیگ نیشتمانیه ك عراقیه گردگهسهى خوهى.
داینى ههمیش تهئكید كردگه ك هاوپهیمانیهیل عراقیه له ئاینده وهل ئهو لایهنهیله ئهنجام گرێد ك بهرنامه نیشتمانیهگهى پهسهن بكهن ك ئهویش خوهى له جیوهجى كردن ڕێككهفتننامهى ههولێر دوینێدهو.
جى باسه فراكسیونهگهى دهوڵهت یاسا وهسهروكایهتى نورى مالكى له دامهزرانن ئهنجوومهن نیشتمانى سیاسهتهیل ئستراتیجى ك بهشیگه له ڕێككهفتننامهى ههولێر خوهى دزێدهو و لهههمان وهختیش یاساى نهفت و غاز تازهیگ وهبى ڕاویژ كردن وهل ئئتلاف فراكسیونهیل كوردستانى ئهرا پهرلهمان كل كردگه ك ئهویش سهرپیچى ترهكیگه له ڕێككهفتننامهى ههولێر.
| < پێشتر | دواتر > |
|---|
