شهفهق/ ئئتلاف فراكسیونهیل كوردستانى وشدار داگه له ئاقبهت تهكڕهوى نورى مالكى له وهڕێهوبردن
دهسهڵات وڵات و وهیهیش ئاماژه كردگه ك پابهند نهبوین وهدهستور وڵات وهرهو سیستم دكتاتۆرى بهێدهو.حهمید باڤى ئهندام سهر وه هاوپهیمانى كوردستانى له تهسریحیگ ئهرا شهفهق نیوز وتگه: فراكسیۆنهیل سیاسى وهشیوهى جددى نگهران ئهوهن ك دهسهڵات وڵات وهرهو دكتاتۆرى بچوود.
باڤى زیاتر ئاشكرایهو كردگه مالكى له وهختیگهو وهگورهى دهسپێشخهریهگهى مهسعود بارزانى سهروك ههرێم كوردستان حكوومهتهگهى دامهزرانگه له دهسنیشانكردن وهزیرهیل وهرگرى و ناوخۆ و ئاسایش نیشتمانى خوهى دزیگهو تا خوهى وهوكالهت ههردو وهزارهتهگه بوهێدهڕێ و تهقالا ئهكا فراكسیونهیل سیاسى تر له بڕیارداین دویرهو بخهێد.
باڤى یهیش خستگهسه ڕوى ك زورم فراكسیونهیل سیاسى نگهرانن لهوهگ دهسهڵات وڵات وهرهو دیكتاتۆرى بچوود لهوهر ئهوهگ له ههڵوژاردنهیل پهرلهمانى پارهكه دیاردا ك بڕێ له فراكسیونهیل سیاسى نیهتوان دهسهڵات وهشیوهى ئاشتیانه دهساودهس بكهن.
| < پێشتر | دواتر > |
|---|
