شهفهق/ سهرچهوهیل ئاگادار ئاشكرایهو كردنه ك ئیدارهى باراك ئوباما بڕیار داگه
تا كووتایى ئمساڵ ژمارهى هێزهیلى له عراق تا سێ ههزار كهمهو بكا. سهرچهوهیل نزیك له ئیدارهى ئهمریكا وه شهفهق نیوز وتنه: له شوون ڕهزامهندى گهورا كاروهدهسهیل ئهمریكى بڕیار دریاگه تهنیا سێ ههزار سهرباز و ئهفسهر ئهمریكى ئهرا مهشق وهپیكردن هێزهیل عراقى له عراق بمینن.
ئهو سهرچهوهیله یهیش ئاشكرا كردنه ك ژمارهیگ لهو سێ ههزار سهرباز ئهمریكیه ئهرا مهشق وهپى كردن و ژمارهیگیانیش ئهرا نههیشتن تیرۆریزم وهكار ئهگیریهن.
جى باسه له حاڵ حازر نزیكهى 45 ههزار سهرباز ئهمریكى له عراق جیگیرن و وهگورهى ڕێككهفتننامهى ئمزاكریاگ له ناونى عراق و ئهمریكا بایهد ئهو هێزهیله تا كووتایى ئمساڵ له عراق نهمینن.
| < پێشتر | دواتر > |
|---|
