شهفهق/ هاوپهیمانى كوردستانی دویهكه ئعلان كرد ك ههر یاسایگ حكوومهت
پێشنیارى بكا و وهپیچهوانهى دهستور بوود پهسهنى ناكا و وهیهیش ئاماژه كردگه ك دهستور حهق هاوبهشى ههرێم و پارێزگاگان له ههر یاسایگ ئستراتیجى لهوانهیش یاساى نهفت و غاز فهراههم كردگه.موحسن سهعدون ئهندام هاوپهیمانى كوردستانى وهشهفهق نیوز وتگه: فراكسیۆنهگهى ههر پرۆژهیاسایگ ك حكوومهت ناوهند پێشنیارى بكا و وهپێچهوانهى دهستور بوود پهسهن ناكا.
ناوبریاگ له باوهت ئهو پرۆژهیاساى نهفته ك لهى دویاخره ئهنجوومهن وهزیرهیل پهسهنى كرد و ئهرا پهرلهمان كلى كردگه وت: یاساى نهفت و غاز یهكیگ له گرنگترین ئهو یاسایهیلهسه ك ئهنجوومهن نوێنهرهیل هاتهما لهیهكیهو بیهێد و وهى خاتره بایهد جى ڕهزامهندى سهرجهم فراكسیۆنهیل سیاسى بوود تا ههرێم و پارێزگاگان له دانان سیاسهت نهفتى هاوبهشى بكهن.
جى باسه سادق لهبان ئهندام ئئتلاف دهوڵهت یاسا له تهسریحیگ ئهرا شهفهق نیوز له حكوومهت ههرێم كوردستان تواست پابهند بوود وهجیوهجى كردن یاساى نهفت و غاز ك لهلایهن وهزارهت نهفتهوه پێشنیار كریاگه.
| < پێشتر | دواتر > |
|---|
