شهفهق/ دویهكه سێ شهممه سهروك دیوان سهروكایهتى ههرێم كوردستان ئعلان كرد:
ههر وهختیگ بارودوخ ئهرا سهردانهگهى سهروك ههرێم كوردستان ئهرا ئیران گونجیاگ بوود وادهى سهردانهگه ئعلان ئهكریهێ. وهگورهى بهیانیگ دیوان سهروكایهتى ههرێم كوردستان ك كۆپییگى ڕهسیهسه شهفهق نیوز فوئاد حوسێن سهروك دیوان ئاماژه وهیه كردگه ك مهسهلهى سهردانه رهسمیهگهى سهروك ههرێم كوردستان ئهرا ئیران لهیهكهو دریاگه و ههر وهختیگ گونجیاگ بوود وهختهگهى ئهرا میدیاگان ئاشكراوه ئهكریهێ.
لهلایگ ترهو عهبدولڵا ئاكرهیى وهرپرس پهیوهندیهیل حكوومهت ههرێم كوردستان وهل ئیران ڕووژ یهكشهممهى گوزهیشته وهئاكانیوز وت: له سهردانهگهى 25 ئاب شاند پایهبهرز ههرێم كوردستان وهسهروكایهتى نێچیرڤان بارزانى ئهرا تاران كاروهدهسهیل پایهبهرز ئیران وتنه چهنهها جار وهشیوهى ڕهسمى له سهروك ههرێم كوردستان داوا كریاگه سهردان تاران بكا وهلى تا ئیسه سهردانهگه ئهنجام نهگردگه.
فوئاد حوسێن ئاشكرایهو كردگه ئهو دهعوهت رهسمى حكوومهت ئیرانه ماوهیگه ڕهسیهسه دهس سهروك تا سهردان تاران بكا و دهعوهتهگه لهیهكهو دریاگه و ههر وهختیگ وهخت ئهنجامداین سهردانهگه گونجیاگ بوود وهختهگهى دیارى ئهكریهێ و ئهرا دهزگایهیل رهسانن ئاشكراوه ئهكریهێ.
| < پێشتر | دواتر > |
|---|
