شهفهق/ ڕاپۆرت لیژنهى دپیهكهوكردن ڕاسیهیل سهروه پهرلهمان عراق ئاشكرایهو كردگه
ك هێزهیل ئهمنى جیگیر له ناوچهیل جهلهولا و سهعدیه خهمسهردى كردنه له جیوهجى كردن ئهركهیلیان و ڕاپۆرتیگ لهى باوهته پێشكهش نورى مالكى سهروك ئهنجوومهن وهزیرهیل عراق ئهكا.حهسهن جیهاد ئهندام هاوپهیمانى كوردستانى له تهسریحیگ ئهرا شهفهق نیوز وتگه: ئهنجوومهن نوێنهرهیل عراق لیژنهیگ ئهرا دپیهكهوكردن ڕاسیهیل و لهیهكهوداین وهزع ناوچهیل جهلهولا و سهعدیه لهپارێزگاى دیاله دامهزرانگه و لهلى تواستگه ڕاپۆرت خوهى لهو باوهته پێشكهش حكوومهت بكا.
جیهاد زیاتر وتگه: لیژنهگه له ڕووژهیل گوزهیشته سهردان ناوچهگه كردگه و له نزیكهو كیشه و گرفتهیل ئهمنى ئهو ناوچهیله لهیهكهو داگه و ڕهسیهسه ئهو ئهنجامه ك هێزهیل ئاسایش ئهو شارهیله له جیوهجى كردن ئهركهیلیان كهمترخهم بوینه و نهتویهنستنه ئاسایش و سهقام لهو ناوچهیله بهرقهرار بكهن.
جى باسه لیژنهگه ڕاپۆرت خوهى پێشكهش سهروك تاڵهبانى و نورى مالكى سهروك حكوومهت و ئوسامه نوجێفى سهروك ئهنجوومهن نوێنهرهیل عراق كردگه.
| < پێشتر | دواتر > |
|---|
