شهفهق/ پارێزهرهگهى تارق عهزیز جیگر سهروك ئهنجوومهن وهزیرهیل ڕژیم دكتاتۆرى بهعس ئاشكرایهو كردگه
ك كیشهى كوردهیل فهیلى بویهسه بایس ئهوهگ له سهران رژیم گوزهیشته وهرگرى بكا.
بهدیع عارف له تهسریحیگ ئهرا شهفهق نیوز وتگه: وهخاتر ئهو ڕاپۆرته ك وهڕێهووهر نویسنگهى ئهحمهد حهسهن بهكر سهروك كومار ئهو وهختهى عراق له باوهت وهرگرى كردنم له كیشهى كوردهیل فهیلى نویساویدهى و ناڕهزایهتى دهربڕینم له وهراوهر كووچ وهپیكردن ئى بهشه له مللهت عراق و ههمیش وهسف كردن دهركردن كوردهیل فهیلى وهكردهوهیگ دڕندانه حوكم لهسێدارهدانم له لایهن ڕژیم ئهو وهخته دهرچى.
بهدیع زیاتر وتگه: ههمیش ڕاپۆرتهگه وهخاتر هاوخهمیم وهل كوردهیل فهیلى وهجاسوس ئیران له قهڵهمم داوید و وهی خاتره ئهحمهد حهسهن بهكر حوكم لهسێدارهداینم دهركرد وهلى سهدام ئهو تومهتهیله خسته دروو و تویهنست له مهرگ نجاتم بیهێد و وهرگرى كردنم له سهدام وهخاتر ئى ههڵوێستیه بوى.
| < پێشتر | دواتر > |
|---|
