شهفهق/ لیست عراقیه وشدار داگه ك نورى مالكى سهروك ئهنجوومهن وهزیرهیل
تهقالا ئهكا وهتهنیا دهسهڵات وڵات بگرێدهدهس و جوور سهدام سهروك ڕژیم دكتاتۆرى بهعس رمیاگ رهفتار بكا و وهئاڵشت و ئوڵشتهیل ناوچهگه له ئهنجام ڕاپهرینهیل مهردمى له ژیر ناوونیشان وههار عهرهبى ئاماژه كردگه. حهمزه گهرتانى ئهندام لیست عراقیه له تهسریحیگ ئهرا شهفهق نیوز وتگه: لیست عراقیه ههس وهنائومیدى و ناكامى ئهكا وهخاتر پهراوێزخستنى له لایهن نورى مالكى سهروك حكوومهت و له ههمان وهختیش وشدار داگه ك مالكى جوور سهدام هاتهما وهتهنیا دهسهڵات وڵات بگرێدهدهس.
گهرتانى زیاتر وتگه: مالكى ههمیشه تهقالا ئهكا قهیرانهیلى له وڵات وهدى بیهرێ تا پرۆسهى سیاسى عراق سهقام نهگرێ.
ناوبریاگ له كووتایى تهسریحهگهى ئهرا شهفهق نیوز ئاشكرایهو كردگه ك سیاسهت وهخت وهسهربردن و جیوهجى نهكردن ڕێككهفتنهیل ناونى عراقیه و دهوڵهت یاسا وهتایبهت ڕێككهفتننامهى ههولێر له جوملهى تهقالاگان مالكیه ئهرا دامهزرانن حكوومهتیگ ك زورم وهزیرهگانى له فراكسیۆنهگهى خوهى بوون ئهویش وههاوكارى و هاوبهشى وهل هاوپهیمانى كوردستانى.
| < پێشتر | دواتر > |
|---|
