شهفهق/ ئمڕوو چوارشهممه سكرتێر لق بهغدای سهنديكای ڕووژنامهنويسهيل كوردستان، پهلامار چهكدارهيل
نهناسرياگ ئهرا بان ڕووژنامهنويسهيل ئيدانه كرد و ئی رويداگه وه سايڕكی خستن تاريكی ئهرا بان ئازادی ڕادهربڕين و هوير له قهڵهمدا ك كاريگهری نهێده بان ئازادی ڕادهربڕين و حكوومهتيش تاوانبار ئهكا.
عهلی حوسێن فهيلی سكرتێر لق بهغدای سهنديكای ڕووژنامهنويسهيل كوردستان وه شهفهق نيوز وت: دياردهی پهلامارداين ڕووژنامهنويسهيل له ههرێم كوردستان مهسهلهيگ مهترسيداره و ههڕهشهيگه ئهرا خاون قهڵهمهيل و خاون هويرهيل وه ديدگايگ ميليتاریستی.
ڕووژنامهنويس ئاسۆس ههردی وهرپرس كۆمپانيای چاپ و بڵاوهوكردن ئاوێنه شهو دوشهممه، له وهخت دهرچينی له شوون كارهگهی له لايهن چهكدارهيل نهناسرياگهوه پهلامار دريا و له ئاكام ئهو پهلاماره زهخمدار بوی و ڕهسنريا نهخوهشخانه.
عهلی حوسێن فهيلی ههميش وت: حكوومهت ههرێم بايهد ئهوه لهوهر چهو بگرێ ك ڕووژنامهنويسهيل فرهتر له هاووڵاتييهل تر كهفنه وهر ههڕهشه و بايهسه ڕێوشوين تايبهت ئهرا مقهيهتی كردن لهليان بگيريهێده وهر، چوينكه وهل زيايهوبوين چنه ڕويداگهيليگ وهرجله گشت حكوومهت ههرێم كوردستان وه وهرپرس زانريهێد ئايندهی ئازادی ڕادهربڕينيش له ههرێم خهێده مهترسی.
ناوبرياگ لهبان ئهوهيش جهخت كرد ك حكوومهت ههرێم نهبايهد تهنيا ئی ڕويداگهيله ئيدانه بكا بهڵكم بايهد ڕێوشوين جددی و تايبهت بگرێده وهر ئهرا ئهوهگ ڕووژنامهنويسهيل بتويهنن له كهشيگ ئهمن و سهقامگير كارهيليان ئهنجام بيهن و چنه پاشێلكاريهيليگيش كهمترهو بدێ.
| < پێشتر | دواتر > |
|---|
