شهفهق/ وهبوونهى هاتن عهید موبارهك ڕهمهزان سهروك ههرێم كوردستان مهسعود بارزانى بروسكهى پیرۆزباییگ
ئاراسهى هاوزووانهیل ئهزیز و سهرجهم موسهلمَانهیل كردگه ك دهقهگهى وهى جوورهس:وهناو خوداى گهورا و میهرهبان
وهبوونهى هاتنهوهى عهید موبارهك ڕهمهزان گهرمترین پیرۆزبایى له سهرجهم موسهلمَانهیل ههرێم كوردستان و عراق و جههان كهم و له خوداى گهورا داواكارم ڕووژگ و نماز و عبادهت مانگ ڕهمهزان مانگ خهیر و بهرهكهت له گشت موسهلمَانهیل قهبول بكا و ئى عهیده بووده مایهى خهێر و خوهشى و وهدیهاتن ئارهزووهیل و ئامانجهیل مللهتهگهمان و كوردستانیش بكهفێده قوناغیگ تر ئاوهدانكردنهوه و بتهوكردن گیان برایهتى و تهبایى و وهیهكهوه ژیان و هاتنه دى مافه دهستوریهگان و پشت سهر هیشتن سهرجهم كیشه و گرفتهگان وهرهو چهسپانن عراقیگ فدراڵ و دیموكرات.
ئمڕوو مللهتهگهمان هاله وهردهم ههڕهشه و تهحهدیهیل فهرهیگ ك نهتهنیا نیاز وهئهوه دیرێد یهكڕزى خوهمان بپارێزیم بهڵكم بتهوتریشى بكهیم و گشت هێز و لایهنهیل سیاسیهگانیش وه وهرپرسیارى نهتهوهیى له وهراوهر ئهو ههڕهشهیله بووسن.
مهسعود بارزانى سهرۆك ههرێم كوردستان 29 ڕهمهزان 1432 كووچى 29 ئاب 2011 زاینى
| < پێشتر | دواتر > |
|---|
