شهفهق/ سهرچهوهیگ كاروهدهس له وهزارهت پهروهردهى عراقى دویهكه ئعلان كرد ك وهزارهت پهروهردهى
بهغدا هاتهما سهرجهم مامۆستایهیل و فهرمانبهرهیل ك له ناوچهیل داوڕیاگ لهلایهن وهزارهت پهروهردهى ههرێم كوردستان تهعیین كریانه بخهێده بان مهلاك خوهى. حسێن جاف وهڕێهووهر گشتى خوهنستن كوردى و زووانهیل تر له وهزارهت پهروهردهى بهغدا له تهسریحیگ ئهرا شهفهق نیوز وتگه: ههردو وهزارهت پهروهردهى ههرێم كوردستان و بهغدا لیژنهى هاوبهشیگ دروس كردنه ئهرا نهقڵ كردن دۆسێیهى 21 ههزار مامۆستا و فهرمانبهر ك وهزارهت پهروهردهى ههرێم كوردستان له پارێزگایهیل كهركوك و دیاله و موسڵ و سهڵاحدین تهعیینیان كردگه تا بخریهنه بان وهزارهت پهروهردهى بهغدا.
جاف زیاتر وتگه: لیژنهگه وهى زویه كارهیلى تهواو ئهكا و دویاخر نامهیگ لهى باوهته ئهرا پهرلهمان عراقى كل كریهێ تا یاسایگ له باوهت نهقڵ كردن ئهو فهرمانبهرهیله دهربكا.
ناوبریاگ له كووتایى تهسریحهگهى ئهرا شهفهق نیوز ئاشكرایهو كردگه ك سهرجهم لایهنهیل و فراكسیۆنهیل عراقى ڕهزامهندى خوهیان لهباوهت ئى كاره نیشاندانه تهنیا بهرهى توركمانى نهود.
| < پێشتر | دواتر > |
|---|
