شهفهق/ ئئتلاف فراكسیونهیل كوردستانى تهئكید كردگه ك گفتوگووهیل شاندحكوومهت ههرێم كوردستان
ك له شوون عهید ڕهمهزان سهردان بهغدا ئهكا تایبهت بوود وهجیوهجى كردن مادهى 140 دهستور و چارهسهركردن كیشهى ناوچهیل داوڕیاگ له خاك ههرێم كوردستان. كاوه مهحمود قسهكهر وهناو حكوومهت ههرێم كوردستان له تهسریحیگ ئهرا شهفهق نیوز وتگه: سهروك حكوومهت ههرێم كوردستان بهرههم ساڵح له شوون عهید ڕهمهزان سهردان بهغدا ئهكا ئهرا ئهوهگ دۆسێیهیل چارهسهرنهكریاگ ناونى بهغدا و ههولێر وهل كارودهسهیل پایهبهرز عراقى باس بكا.
لهلایگترهو قاسم مهحهمهد مشهختى له تهسریحیگ ئهرا شهفهق نیوز وتگه: وهفدهگهى حكوومهت ههرێم كوردستان خاڵهیل جى ناكووكى فهرهیگ له ناونى بهغدا و ههولێر وهل كاروهدهسهیل حكوومهت مالكى باس ئهكا و گرنگترینیان مهسهلهى جیوهجى كردن مادهى 140 دهستوره ك وه نهخشهڕێ چارهسهركردن ناكووكیهگان ناونى بهغدا و ههولێر لهقهڵهم دریهێ.
جى باسه وهگورهى دهستور عراقى مادهى 140 بایهد تا كووتایى ساڵ 2007 جیوهجى بكریاتاگ وهلى له ئهنجام كهمتهرخهمی و خهمسهردى بهغدا تا ئیسه كارهگان مادهگه هاله قوناغهیل سهرهتایى.
| < پێشتر | دواتر > |
|---|
