شهفهق/ ئهندامیگ پهرلهمان كوردستان له حكوومهت بهغدا تواستگه كار ئهرا
مقهیهتیكردن گیان هاووڵاتیهیل كورد له ناوچهیل داوڕیاگ كوردستان له پارێزگاى دیاله بكا یا ناتهوانى خوهى له پاراستن گیان مهردم ئهو ناوچهیله ئعلان بكا و ڕێ بیهێده كورد خوهى بپارێزێ. عهلى حوسێن فهیلى ئهندام لیژنهى حقوق ئنسان له پهرلهمان كوردستان له تهسریح تایبهتیگ ئهرا شهفهق نیوز وتگه: سهركردایهتى كورد و حكوومهت و پهرلهمان كوردستان ڕێ ئاشتیانه و ئارام و حهكیمانهیگ له چوینیهتى رهفتاركردن وهل وهزع نالهبار ئاسایشى هاووڵاتیهیل كورد له جهلهولا و سهعدیه و قهرهتهپه گردگهسه وهر لهوهختیگ تائیسه سهدان هاووڵاتێ كورد لهو ناوچهیله شههید و زیهمدار بوینه و سهدان خێزانیش ئاواره كریانه.
فهیلى له بهشیگ تر تهسریحهگهى ئهرا شهفهق نیوز وتگه: سهركردایهتى كوردستانى بایهد جواو پرسیارهیل مهردم ئهو ناوچهیله بیهێدهو ك سهدان كهسیان شههید و زیهمدار بوینه و ناچار كریانه ماڵ و ژیان خوهیان بیلنه جی و روى له ناوچهیل ئارام ههرێم كوردستان بكهن.
جى باسه وهگورهى قسهى كاروهدهسهیل كورد شارهیل سهعدیه و جهلهولا هێزهیل حكوومهت ك ئهركیان پاراستن گیان وماڵ هاووڵاتیهیله لهو شارهیله وهشیوهى ئاشكرا هاوكاری تیرۆریستهیل كهن ئهرا كوشتن و بڕین هاوولاتیهیل كورد.
| < پێشتر | دواتر > |
|---|
