شهفهق/ لیژنهى پهیوهندیهیل خارجى پهرلهمان عراق بڕین ئاو ئهڵوهن وه گوشار سیاسى ئهرا بان عراق لهقهڵهمدا و تهئكید كرد ك گفتوگوو وهل
لایهن ئیرانى بیهوودهس و وهیهیش ئاماژه كردگه ك بڕین ئاو ئهڵوهن هاووهخته وهل بوردومان كردن ناوچهیل سنوورى ههرێم كوردستان.
ژاڵه نهفتچى ئهندام لیژنهى پهیوهندیهیل خارجى پهرلهمان له تهسریح تایبهتیگ ئهرا شهفهق وتگه: وهردهوامى گلهوداین ئاو ئهڵوهن له لایهن ئیران گوشاریگ سیاسیه له بان عراق و گفتوگووهیل وهزارهت كاروبار خارجیهى عراق وهل لایهن ئیرانى دریژه دیرى وهلى تائیسه هویچ ئاكامیگ نهیاشتگه.
نهفتچى وهیهیش ئاماژه كردگه ك بڕین ئاو ئهڵوهن ك شاڕهگ ژیان شار خانهقین و دهوروهریه هاووهخته وهل تووپواران كردن ناوچهیل سنوورى ههرێم كوردستان له لایهن هێزهیل ئیرانى.
جى باسه لیست عراقیه ماوهیگ وهرجله ئیسه له حكوومهت بهغدا تواست سهرجهم مامهڵهیل بازرگانى وهل ئیران بووسنێد و دهسدریژیهیل ئیران ئهرا بان ناوچهیل سنوورى عراق و بڕین ئاو ئهڵوهن له لایهن ئیران ئدانه كرد.
| < پێشتر | دواتر > |
|---|
