شهفهق/ پسپۆریگ یاسایى دویهكه تهئكید كرد ك وهگورهى بڕیار ئهنجوومهن شوراى دهوڵهت ك لهى دویاخره دهرچگه ئهو ئهندامهیل پهرلهمانه ك
له شوون وهزیرهگان دانریانه ئیسه بایهد شوونهیلیان ئهرا ههمان وهزیرهیل چووڵ بكهن ك وهزارهتهیلیان ههڵوهشیاگهسهو.
تارق حهرب له تهسریح تایبهتیگ ئهرا شهفهق وتگه: یاساى ژماره 6 ساڵ 2006 تایبهته وهمهسهلهى ئاڵشت كردن ئهندامهیل پهرلهمان ك ڕێ ئهیاده ئهو ئهندامهیله ك بوینهسه وهزیر و وهزارهتهیلیان ههڵوهشیهیگهو گلهو بخوهن ئهرا پهرلهمان وهمهرجیگ سهرلهنوو قهسهم یاسایى بخوهن.
حهرب زیاتر وتگه: ئهو ئهندامهیله ك له شوون وهزیرهگان دانریانه و دویاخر له ئهندامیهتى دهركریهن ئهگهر ساڵیگ وهسهر ئهندامیهتییان نهگوزهرێد یاساى خانهنشینى و تهقاعود ناگرێدهیانهو.
جى باسه ئهنجوومهن شوراى دهوڵهت پیرهكه بڕیاردا ئهو وهزیرهیله ك وهزارهتهیلیان ههڵوهشیاگهسهو وهبى قهسهم خواردن گلهو بخوهن ئهرا شوونهیلیان له پهرلهمان.
| < پێشتر | دواتر > |
|---|
