شهفهق/ سهروك ئهنجوومهن باڵاى ئسلامى وهكاربردن سوپا ئهرا چارهسهركردن كیشهیل ئدارى
دهزگایل دهوڵهتى وهكاریگ ترسناك له قهڵهمدا و له بان یهیش جهخت كرد ك هاوبهشى له بڕیار و ئدارهكردن وڵات له ههوهجهیل سهركهفتن و پیشكهفتنه. عهمار حهكیم وهدهركردن بهیاننامهیگ ك كۆپییگى رهسیهسه دهس شهفهق زیاتر وتگه: هاوبهشى له بڕیار وهماناى ئهوهسه ك ئایم تهگهره نهخهێده ڕێ كاروبار وڵات و دهسمهیهت بیهێد تا سهران وڵات جوور تیمیگ یهكدهس كار بكهن.
حهكیم له كووتایى بهیاننامهگهى تهئكید كردگه ك وهكاربردن سوپا ئهرا چارهسهركردن كیشهیل ئدارى له ناونى دهزگایل دهوڵهتى كار ترسناكیگه لهوهر ئهوهگ جهیش موڵك كهسیگ یا لایهنیگ یا پیكهاتهیگ له مللهت عراق نیه، بهڵكم سوپا موڵك عراق وهگشتیه.
جى باسه پیرهكه هێزیگ سوپاى عراقى له پارێزگاى میسان پهلامار بارهگاى فهرماندهیى پۆلیس پارێزگاى عماره دا وهخاتر ئهوهگ ئهنجوومهن پارێزگاگه بڕیارحكوومهت بهغدا له باوهت له سهركارلاوردن لیوا ئسماعیل عهرار ماجدى جیوهجى نهكردگه.
| < پێشتر | دواتر > |
|---|
