شهفهق/ سهروك ئهنجوومهن پارێزگاى بهسره وه وهكالهت خوازیار دادگایى كردن ئهو وهزارهتهیل
حكوومهت بهغدا بویه ك تهگهره ئهخهنه ڕێ جیوهجى كردن پرۆژهیل خزمهتگوزارى ئهرا مهردم پارێزگاگه و له ههمان وهختیش ههردو وهزارهت پلاندانان و دارایى وه وهرپرسیار دویاكهفتن جیوهجى كردن پرۆژه خزمهتگوزایهگان بهسره له قهڵهم داگه.ئهحمهد سولیتى له تهسریح تایبهتیگ ئهرا شهفهق زیاتر وتگه: جیوهجى نهبوین پرۆژه خزمهتگوزاریهگان له بهسره له ئهنجام ئهو تهگهرهیلهسه ك وهزارهتهگان له بهغدا ئهخهنهى نواى ئهنجامداین كارهگان و وهى خاتره چهنهها جار خوازیار دادگایى كردن وهزارهتهگان بویمنه. ناوبریاگ ههمیش له پارێزگار بهسره تواستگه شكات ئهو وهزارهتهیله له دادگاى ئتحادى بكا ك تهگهره ئهخهنه وهردهم جیوهجى كردن پرۆژهگان لهوهر ئهوهگ ئى كردهوهیله وهپیچهوانهى دهستور و دهسدریژى كردنه له بان دهسهڵاتهیل پارێزگاگان.
| < پێشتر | دواتر > |
|---|
