شهفهق/ ئئتلاف فراكسیونهیل كوردستانى له سهرههڵداین جهنگ نهتهوهیى له ههردو ناحیهى جهلهولا و سهعدیه
وهخاترئهو توندوتیژیهیله ك گرووپه چهكدارهگان دژ وههاوڵاتیهیل كورد ههردو شارهگه ئهنجامى دهن وشداردا و له هێز پێشمهرگهى كوردستان تواست ههرچى زویتر ئهرا وسانن ئهو كردهوهیله دهس وهكار بوود. مهحما خهلیل ئهندام ئئتلاف فراكسیونه كوردستانیهگان له تهسریح تایبهتیگ ئهرا شهفهق وتگه: ئهو كوشتن و بڕین و ئاوارهكردنه ك دهسهو تاقمه چهكدارهگان وههاوكارى وهل یهكیگ له لیواگان جهیش عراقى دژ وههاووڵاتیهیل كورد له شارهیل سهعدیه و جهلهولا ئهنجامى دهن دیاردهیگ ترسناكه و ئامانج لهى كاره چووڵ كردن شارهگه له كورده ئهرا ئهوهگ مادهى 140 دهستور جیوهجى نهكریهێ. ناوبریاگ له كووتایى قسهیلهگهى زیاتر ئاشكراى كردگه ك ئئتلاف فراكسیونهیل كوردستانى گشت ڕێهیل ئهرا پاراستن گیان هاوڵاتیهیل كورد لهو شوونهیله گرێدهوهر و وشداریش داگه ك ئهگهر ئى كیشه چارهسهر نهكریهێ شایهد جهنگیگ نهتهوهیى له ناوچهگه سهرههڵ بیهێد.
| < پێشتر | دواتر > |
|---|
