شهفهق/ لیژنهى خزمهتگوزارى و ئاوهدانى له پهرلهمان عراقى ئعلان كردگه ك له چهن رووژ ئاینده پرۆژهیاساى سهندوق نیشتهجاكردن خریهێده دهنگداین.
كهمیله موسهوى ئهندام لیژنهى خزمهتگوزارى و ئاوهدانى له تهسریح تایبهتیگ ئهرا شهفهق وتگه: پرۆژهیاساى سهندوق نیشتهجاكردن ك وهرجله یه له لایهن لیژنهى ئابورى پهرلهمان لهیهكهو دریاگه ئیسه خریاگهسه ناو بهرنامهى كار پهرلهمان ئهرا ئهوهگ بخریهێده دهنگدان.
موسهوى وهیهیش ئاماژه كردگه ك ژمارهى فرهیگ له یاسایهیل خریاگهسه ناو بهرنامهى كار پهرلهمان و یاساگان وهنهوبهت لهیهكهو دریهن و وهیخاتره ناتویهنێ وهختیگ ئهرا دهنگداین له بان یاساگه دهسنیشان بكا.
جى باسه وهگورهى یاساى تازهى سهندوق نیشتهجاكردن و ئاوهدانى بایهد له ماوهى 25 رووژ موعامهلهى داین قهرت وهسهرجهم كارمهندهیل و خانهنشینهیل و ههر كهسیگ ك پارچهزهویگ داشتوود تهواو بكا ئهرا ئهوهگ مهردم بتویهنن له بهغدا و پارێزگایهیل تر ماڵ ئهرا خوهیان بسازن.
| < پێشتر | دواتر > |
|---|
