شهفهق/ چالاكیگ سیاسی جهخت كرد: ئیرادهی راسكانییگ ئهرا جیوهجی كردن مادهی 140 دهستوور وجود نهیرێ
و له حكوومهت داوا كرد له جی ناكووكیهیل سیاسی تهقالا بكا ئهرا یهكلاوهكردن باوهتهیل نیشتمانی.ئهحمهد ناسر فهیلی له تهسریحیگ ئهرا شهفهق وت: ئیرادهیگ سیاسی ئهرا یهكلاوهكردن مادهی 140 دهستوور وجود نهیرێ و لهههمان وهختیش ئاشكرایهو كرد: ئهگهر ئیدارهیگ راسكانی وجود بیاشتاد ئهی ماده تویش وهربهسهیل فره نههات.
ناوبریاگ ههمیش وت: كیشهی جیوهجی كردن مادهی 140 پهیوهندییگ وه ئاڵشتهوكردن سهرۆك لیژنهگه رائد فههمی و جیگیركردن هادی عامری لهشوونی نهیرێ بهڵكم وه جیوهجی كردن بهندهیل و میكانیزم دهستووری جیوهجی كردنی پهیوهندی دیرێ وهتایبهت كیشهیل چارهسهرنهكریاگ فرهیگ لهوهردهم حكوومهت وجود دیرێ ك بایهد یهكلاوه بكریهن.
ناوبریاگ ههمیش وت: سهركردایهتی كوردی لهوهختیگ نهرمی فرهیگ ئهرا چارهسهركردن كیشهگه نیشانداس وهلی لهلایهن مللهت و شهقام كوردی فشار فرهیگ هالهبانی و داواكهن ئهی ماده ههرچ زویتر جیوهجی بكریهێد.
| < پێشتر | دواتر > |
|---|
