شهفهق/ فراكسیون عێراقیهی چهرمگ ئعلان كرد: لهبارهی دامهزرانن ئهنجوومهن نیشتمانی
ئهرا سیاسهتهیل ئستراتیجی ناڕهزایهتی دیرێ وهتایبهت ك ئهی پرۆژه ها لهدژ باوهت بویچگهوكردن حكوومهت لهلایهن مالكی. عالیه نسهیف قسیهكهر وهناو كوتلهی عێراقیهی چهرمگ له تهسریحیگ ئهرا شهفهق وت: نیشتن ئهی دویاخرهی سهركردهیل سیاسی له عێراق گرنگ بوی و لهتی لهبان چشتهیل گرنگیگ رێككهفتن وهتایبهت لهبارهی مهنین هێزهیل ئهمریكی و پیشكهش كردن ئهی دهسهڵاته وه حكوومهت ك وهل لایهن ئهمریكی لهبارهی مهنین بهشیگ له هێزهیلی ئهرا مهشقداین هێزهیل عیراقی گفتوگوو بكا. نسهیف ههمیش وت: گشت ئاگادارن ك رێككهفتن فراكسیونهیل سیاسی وهشیوهی خاسیگ لهبان شهقام عێراقی كاریگهری نهێد و له نگرانیهیل ئهمنی و ئابووری وڵات كهمهو ئهكا و له رێككهفتن فراكسیونهیل سیاسی ئعلان ئاسوودهیی كرد. نسهیف ههمیش وت: لیست عێراقیهی چهرمگ لهبارهی دامهزرانن ئهنجوومهن نیشتمانی ئهرا سیاسهتهیل ئستراتیجی ناڕهزایهتی دیرێ چوینكه دامهزرانن ئهی ئهنجوومهنه ها له دژ بڕیار دهوڵهت ئهرا كهمهوكردن وزارهتهیل و خراونهكردن داراییهیل گشتی وڵات.
ناوبریاگ ههمیش ئعلان سهرسڕمهنین كرد لهوهختیگ وڵات تهقالا ئهكا ئهرا كهمهوكردن خهرجهیله لهوهراوهری ئهنجوومهن نادهستوورییگ دامهزریهێد ك بودجهی له بودجهی گشت وزارهتهیل بویچگهوكریاگ فرهتره.
| < پێشتر | دواتر > |
|---|
