شهفهق/ نوری مالكی سهرۆك حكوومهت عیراق لهبان زهرورهت پیشكهش كردن ههوهجهیل عیراق
لهلایهن ئهمریكا جوور چهكداركردن هێزهیل ئاسمانی وڵات وه شیوهی وهپهلهیگ جهخت كرد و له ههمان وهختیش داواكرد ئهگهر مهنین هێزهیل ئهمریكی له عیراق دریژهو كریا یا ئهی باوهته رهد بوی پهیوهندیهیل دولایهنه لهناونی دو وڵات وهردهوام بوود. وهگورهی بهیاننامهی سهرۆكایهتی وهزیرهیل ك كۆپییگی ڕهسیهسه دهس شهفهق، نوری مالكی له ئهدمیراڵ مایكل موڵن سهرۆك دهسهی ئهركان هاوبهش هێزهیل ئهمریكی و شاند هاوڕێهگهی پیشوازی كرد و لهی دیداره لهبان زهرورهت پیشخستن پهیوهندیهیل دولایهنه و بهشداری كۆمپانیایل ئهمریكی له پرۆسهی ئاوهدانی عیراق تهئكید كرد.
وهگورهی بهیاننامهگه مالكی لهی دیداریه جهخت كرد ك بڕیار كووتایی لهبارهی دیاری كردن ئهندازهی ههوهجهی عیراق وهمهنین هێزهیل ئهمریكی هادهس فراكسیونهیل سیاسی و لهشوونییش پهرلهمان عیراق. مالكی ههمیش لهی دیداره لهبان زهرورهت وهردهوامی پهیوهندیهیل ناونی دو وڵات جهخت كرد و نهبایهد ئهی باوهته وه بڕیار سهركردهیل فراكسیونهیل سیاسی لهبارهی مهنین هێزهیل ئهمریكی له عیراق پهیوهندی بدریهێد.
له دریژهی بهیاننامهگه هاتگه ك موڵنیش لهی دیداره لهبان ئامادهیی وڵاتهگهی ئهرا پشتگیری كردن له عیراق و هاوكاری وهل حكوومهت عیراق ئهرا وسیان لهوهراوهر ئهزموونهیل جهخت كردگه.
| < پێشتر | دواتر > |
|---|
