شهفهق/ ليژنهی رووشنهويری و رهسانن له پهرلهمان عيراق ئاشكرايهو كرد: وهخاتر ناڕهزايهتيهيل نوويگ ك ميدياكارهيل پيشكهش
سهرۆكايهتی پهرلهمانی كردنه، دهنگداين لهبان ياسای رووژنامهنويسهيل ك بڕيار بوی لهدريژهی ئهی ههفته ئهنجام بگرێ دويا بخريهێد.
موئهيهد تهيب ئهندام ليژنهگه له تهسريحيگ ئهرا شهفهق وت: ياسای چهوديری له رووژنامهنويسهيل ك بڕيار بوی لهدريژهی ئهی ههفته پهسهن بكريهێد وهخاتر ناڕهزايهتيهيل نوويگ لهلايهن ميدياكارهيل پيشكهش سهرۆكايهتی پهرلهمان كرياس دوياخريا. تهيب وهخت نوو دهنگداين لهبان ئهی ياسا ئاشكرا نهكرد و تهنيا وت: گفتوگوو و راوێژهيليگ ليژنهی رووشنهويری و رهسانن وهل گشت لايهنهيل پهيوهندیدار وهی قانوونه لهوانهيش رووژنامهنويسهيل ئهنجامياندا وهرهو قوناغهيل فرهيگ كيشا وهيخاتره پهسهن كردن ئهی قانوونه دوياخريا.
تهيب له ئشارهتيگ ئهرا دوو رهشنويس قانوونهگه ك لهلايهن حكوومهت و سهنديكای رووژنامهنويسهيل پيشكهش كريا وت: دو رهشنويس پيشكهش كرياگ لهلايهن حكوومهت و سهنديكای رووژنامهنويسهيل رهزامهندی فيشتر پهرلهمانتارهيل و رووژنامهنويسهيل وهدهس نههاورد وهيخاتره راسهوكردنهيل گرنگيگ لهبانی ئهنجام گرت لهوانهيش ناو قانونهگهس ك بويه قانوون ماف رووژنامهنويسهيل.
| < پێشتر | دواتر > |
|---|
