شهفهق/ وزارهت كارهبا له حكوومهت ههرێم كوردستان ئعلان كرد وهل هاتن مانگ موبارهك رهمهزان
سهعاتهیل پیشكهش كردن كارهبا فرهترهو كریهێد.یاسین ئهبوبهكر وهزیر كارهبا له ههرێم كوردستان له بهیاننامهیگ ك كۆپییگی رهسیهسه دهس شهفهق وتگه: بڕیاره سهعاتهیل پیشكهش كردن كارهبای نیشتمانی ئهرا 21 سهعات رووژانه بهرزهو بكریهێد و سێ سهعات تریش لهلایهن موهلدهیل ئههلی كارهبا پیشكهش هاووڵاتی كوردستانی بكریهێد.
جی باسه ئاست پیشكهش كردن كارهبای نیشتمانی وه هاووڵاتیهیل كوردستانی له مانگ حوزهیران 20 سهعات رووژانه بویه و تهنیا چوار سهعات له رووژ كارهبا لهلایهن موهلدهیل ئههلی پیشكهش هاووڵاتیهیل كریهێد وهلی وهل هاتن مانگ موبارهك رهمهزان كارهبای نیشتمانی ئهرا 21 سهعات له رووژ بهرزهو كریاس.
جی باسه حكوومهت ههرێم كوردستان ئعلان ئهكا توینستگه له بوار بهرههمهاوردن كارهبا خودموختاره بوود، ئهوهیش وهخاتر بهرزهوبوین ئهو ئاست كارهبا ك له بهنداوهیل دوكان و دهربهنیخان وهدهس تیهێد و ڕیژهی وهرگرتن كارهبا له توركیا و تووڕ نیشتمانی عێراق رهسیهسه سفر.
| < پێشتر | دواتر > |
|---|
