شهفهق/ نویسنگهی جهلال تاڵهبانی سهرۆك كۆمار عیراق فیدراڵ ئعلان كرد رووژ پهنج شهممهی ئایهنده
جوور وهخت سێیهمین نیشتن سهركردهیل فراكسیونهیل سیاسی دیاری كریاس تا لهبارهی باوهتهیل چارهسهر نهكریاگ لهناونی فراكسیونهیل سیاسی و ڕیككهفتن ههولێر گفتوگوو بكریهێد.وهگورهی بهیاننامهی نویسنگهی تاڵهبانی ك كۆپییگی ڕهسیهسه دهس شهفهق: جهلال تاڵهبانی سهرۆك كۆمار عیراق فیدراڵ له گشت سهركردهیل فراكسیونهیل سیاسی دهعوهت كردگه تا له سێیهمین نیشتن لهبارهی باوهتهیل یهكلاوهنهكریاگ لهناونی فراكسیونهیل و ڕیككهفتن ههولێر گفتوگوو بكهن.
وهگورهی بهیاننامهی نویسنگهی سهرۆك كۆمار ئهی نیشتنه له رووژ پهنج شهممهی ئایهنده 28/تهمموز/2011 له نویسنگهی سهرۆك كۆمار عیراق له بهغدا وهرپا كریهێد.
جی باسه ناكووكییهیل ناونی بڕیگ له كوتلهیل سیاسی وهتایبهت لهناونی ئیئتلاف دهوڵهت یاسا و لیست عیراقیه لهی چهن وهخت دویاخرهو لهبارهی دهنگداین لهبان وزارهتهیل ئهمنی و ڕیككهفتن لهبان ئهنجوومهن نیشتمانی ئهرا سیاسهتهیل ئستراتیجی دهسوهپی كرد، ئهوهیش لهوهختیگ حكوومهت عیراق وهگورهی دهسپیشخهری مهسعود بارزانی سهرۆك ههرێم كوردستان و ڕیككهفتن كوتلهیل سیاسی دامهزریا.
| < پێشتر | دواتر > |
|---|
