شهفهق/ ئئتلاف فراكسیونهیل كوردستانى دویهكه وت: حكوومهت ئیران هاتهما وهبوردومان كردن ئاواییهیل و ناوچهیل سنورى
ههرێم كوردستان كیشهو گرفتهیل ناوخوهیى خوهى ئهرا دهیشت وڵاتهگهى بوهێد. زیاتریش وتگه: وهردهوامى بوردومانهیل ئیران بیانگ ئهرا مهنن هێزهیل ئهمریكا له عراق ئهیهرێ ك بڕیاره تا كووتایى ئمساڵ خاك وڵاتهگهمان بیلنهجى.
شوان مهحهمهد تاها ئهندام پهرلهمان عراق سهر وه هاوپهیمانى كوردستانى له تهسریح تایبهتیگ ئهرا شهفهق وتگه: حكوومهت ئیران ئهخوازێ وهبوردومان كردن ناوچهیل سنورى ههرێم كوردستان كیشهو گرفتهیل ناوخوهیى ئهرا دهیشت وڵاتهگهى بارێد و له بان یهیش تهئكید كردگه ك رێكخریاگ پهژاك رێكخریاگیگ ئیرانیه و وهشیوهى نایاسایى تیهنه ناو خاك ههرێم كوردستان و ئیران بایهد سنورهیل خوهى له دزهكردن چهكدارهیل ئهو رێكخریاگه بپارێزێد نهگ بوردومان ماڵ و باخ و بووسانهیل مهردم بى گوناى ههرێم كوردستان بكا.
جى باسه ههردو حكوومهت ئیران و توركیا وهبیانگ دهس وهشانن له چهكدارهیل پهژاك و پارت كارگهرهیل كوردستان وهشیوهى وهردهوام دهسدریژى كهنه بان خاك ههرێم كوردستان.
| < پێشتر | دواتر > |
|---|
