شهفهق/ ئهنجوومهن پاریزگاى بهسره، ئمڕوو یهكشهممه، ئهوه دهرخست، ك نورى مالكى سهرۆك وهزیرهیل،
شكهست هاورده پرووسهى ههرێم پاریزگاى بهسرهو پاریزگایش مهحكوومه لهلایهن هیزهیل سهربازى پهیوهس وه بهغداوه.
لهى باوهتهوه، ئهحمهد سلێتى جیگر سهرۆك ئهنجوومهن پاریزگاى بهسره، له گفتوگوویگ ئهرا(شهفهق)ئویشیگ: نورى مالكى سهرۆك وهزیرهیل شكهست وه پرووسهى ههرێم پاریزگاى بهسره هاوردگه، ك زوورم ئهندامهیل ئهنجوومهن پاریزگا پیشكهشى كردنه. ههر لهوهر ئهوهیش ئهندامهیل ناوبریاگ داواكاریهیل خوهیان كیشانهوه لهباوهت ههرێم بهسرهو ئهویش لهوهر ئهو فشارهیله ك لهلایهن حزبهیلیانهوه هاته بانیان و زوورمیان سهر وه دهوڵهت قانوون بوینهو لهبهغداوه داوا لهلیان كریاگه داوایهیلیان بكیشنهوه.
شایهن باسه، ئشارهت وه ئهوهیش كریهیگ ك سهرۆك وهزیرهیل نورى مالكى زویتر وشیارى داسه لایهنهیل سیاسى وڵات لهوهخت كۆنگرهى سهرۆك ئهشرهتهیل لهپاریزگاى بهغدا، ك ههوڵ دامهزرانن ههرێمیگ تر نهدریهیگ، چوینكه ئى كاره بووده بایس مهترسى و سهرههڵداین كیشمهكیش و جیابوینهوهو جهنگ ناوخوهیى و لهئهنجامیش مهترسى دیریگ لهبان بهشبهشهوبوین یهكێتى خاك عراق.
| < پێشتر | دواتر > |
|---|
