شهفهق/ لیژنهى ئاسایش و وهرگرى له پهرلهمان عراق دویهكه ئعلان كرد وهل نزیكهوبوین
وادهى دهرچگن هێزهیل ئهمریكى له عراق له كووتایى ئمساڵ, وڵات نیاز وهدهركردن یاساى نههیشتن تیرۆر دیرێ و وهیهیش ئاماژه كرد ك خوهنستن یهكم ئهرا یاساگه كریاگه و ئیسه چهوهڕى خوهنستن دویم و دهنگداین وهپى ئهكا.پهرلهمان عراقى له مانگ نیسان گوزهیشته خوهنستن یهكم ئهرا پروژهیاساى نههیشتن تیرۆر ك له بیس ماده پیكهاتگه و له لایهن لیژنهى ئاسایش و وهرگرى ئاماده كریاوید ئهنجامدا.
حاكم زاملى ئهندام لیژنهى ئاسایش و وهرگرى له تهسریح تایبهتیگ ئهرا شهفهق وتگه: له ماوهى گوزهیشته لیژنهگه پروژهیاساى نههیشتن تیرۆر له یهكهوداگه و ئیسه ئامادهى خوهنستن دویمه و پهرلهمان تویهنێ بخهیدهى دهنگداین.
زاملی له كووتایى تهسریحهگهى ئهرا شهفهق زیاتر ئاشكراى كرد ك وهل نزیكهوبوین وادهى دهرچگن هیزهیل ئهمریكى له عراق, یاساى تیرۆر یهكیگ له یاسایهیل گرنگ و پڕ بایخه ئهرا عراق ك بایهد ههرچى زویتر یهكلاوه بكریهێ.
| < پێشتر | دواتر > |
|---|
