شهفهق/ سهروك كۆمیسیون باڵاى سهروهخوهى ههڵوژاردنهیل عراق دویهكه ئاشكراى كرد
ئئتلاف دهوڵهت یاسا ك نورى مالكى سهروكایهتیى ئهكا وهخاتر هوكارهیل سیاسى و شهخسى كاروهدهسهیل كۆمیسیونهگه له پهرلهمان ئستجواب كردگه و دژ وه كۆمیسیونهگه كارئهكا. فهرهج حهیدهرى سهروك كۆمیسیون ناوبریاگ دویهكه تهئكید كرد ك لهوهر ئهوهگ ئئتلاف دهوڵهت یاسا له ئاكام یانهتیجهى ههڵوژاردنهیل پهرلهمانى رازى نهویه وهى خاتره دهس داسه چالاكیهیل جوور وه جوور دژ وهكۆمیسیونهگه و یهكیگ لهو چالاكیهیله ههلمَهت رهسانن و ئستجواب كردن كاروهدهسهیل كۆمیسیونهگه بویه.
حهیدهرى زیاتر ئاشكراى كردگه ك له شوون ئهوهگ ئئتلاف دهوڵهت یاسا پلهى دویم له ههڵوژاردنهیل وهدهسهاورد, نورى مالكى سهروك ئئتلافهگه تانه دا له ئاكام ههڵوژاردنهیل و خوازیار ژماردن دهسى دهنگهگان بوى وهلى كۆمیسیون ئى داخوازیه پهسهن نهكرد و بڕیاردا ك ژماردنهگه سهرلهنوو وهشیواز ئهلكترونى ئهنجام بگرێ و وهى خاتره مالكى بڕیار داگه توڵه له كۆمیسیون بسینێ.
سهروك كۆمیسیون باڵاى سهروهخوهى ههڵوژاردنهیل له كووتایى تهسریحهگهى ئهرا شهفهق وت: مالكى ههر له سهرهتاوه تهقالا كردگه داخوازیهیل خوهى بسهپنێده بان كۆمیسیونهگه وهلى ئیمه ههر دهس وهردانیگ له كاروبار كۆمیسیون له لایهن ههر كهسایهتى یا كوتلهیگ سیاسى قهبوول نهكردیمه و یهیش بویه بایس ئهوهگ مالكى دژایهتى كۆمیسیون بكا.
| < پێشتر | دواتر > |
|---|
