شهفهق/ ئئتلاف فراكسیونهیل كوردستانى دویهكه سیێ شهممه داكووكى كرد ك راپۆرت لیژنهى یاسایى تایبهت وهكیشهى كوردهیل فهیلى عادلانه بویه
و سهرجهم فراكسیونهیل سیاسى یهكدهنگ بوینه له بان یهگ كیشهى كوردهیل فهیلى وهكوشتار دهسهجهمى بناسریهێ.پهریزاد شهعبان ئهندام پهرلهمان عراقى سهر وه فراكسیون هاوپهیمانى كوردستانى له تهسریح تایبهتیگ ئهرا شهفهق وتگه: ئهندامهیل پهرلهمان راپۆرت لیژنهى یاسایى تایبهت وهكوردهیل فهیلى خوهنستنهسهو ك یهكیگ له بڕگهگانى ئهوهسه پهرلهمان یاسایگ دهربكا و وهگورهى ئهو یاسا سهرجهم مافهیل كورد فهیلى بدریهێدهو.
پهریزاد زیاتر وتگه هاوپهیمانى كوردستانى له لیژنهى یاسایى داوا كردگه ك یاساگه ئاماده بكا تا له رووژهیل ئاینده دهنگ وهپى بدریهێ و ئهو یاسا مافهیل فهرهیگ هالهتى ك بتویهنێ قهرهبووى رهنج و مهینهت ئى بهشه له مللهت كورد بكادهو.
| < پێشتر | دواتر > |
|---|
