موهفهق فهیلى له تهسریح تایبهتیگ ئهرا شهفهق وتگه: ئهوانهگ له ساڵ 2003 تا ئیسه چهودیرى پروسهى سیاسى كهن دوینن ك سیاسهتمهدارهیل گهوراى عراقى وهگورهى بارودوخ وڵات تهسریحهیل خوهیان ئاڵشت كهن و جارجاریگ یاسا و دهستور ك خوهیان نویسانهسهى خهنه ژیرپا.
ناوبریاگ زیاتر وتگه: شهپول میدیایى ك له شوون تهسریحهگهى نوجێفى ئهنجام گرد ژمارهیگ له سیاسیهیل ناچار كردگه ههڵویستهیلیگ وهربگرن ك جیاوازى وهل ههڵویست فراكسیونهیل سیاسى داشتوود وهبیانگ بهرژهوهندى وڵات و یهكپارچهیى خاك عراق.
جى باسه نورى مالكى رووژ پهنج شهممهى ئهو ههفتهگه له دیدار وهل سهران عهشایر بهغدا له باوهت دامهزرانن ههرێمهیل فدرالى وشدار دا و وت: ئى كاره بووده مایهى بهشبهشهوكردن خاك عراق و دهس وهپیكردن جهنگ ناوخوهیى.
| < پێشتر | دواتر > |
|---|
