شهفهق/ كهمپین له وهرخاتر ئهڵوهن، داوا له ئيران ئهكا تا 17ی ئهى مانگه ئاو ئهڵوهن وهربياد.
لهوبارهو ( رابیعه عهباس قاسم ) ئهندام لیژنهی له وهرخاتر ئهڵوهن وهئاژانسهيل دهنگوباس وت:" ئيمه رووژ یهكشهممه 10ی مانگ خوهینيشانداينيگ كرديمن و له سهعات 9 تا 3 رێگه گرتيمن و نههيشتيمن هویچ ئۆتۆمۆبيليگ جمهوری ئسلامی ئيران باێده ناو و لێرهو بچوود، ئيمه مهبهسمان ئهوهبوى ك ئاو ئهڵوهن بكريهێدهو، چوينكه 4 ساڵه وه تهواوهتی بڕياس، دويای سهعات 3 بڕیار دايمن رێهگه بكهیمنهو و یهك ههفته مۆڵهت دايمنه، تا 17ی مانگ ئهگهر ئاوهگه نهكرياوه ئيمه له 18ی مانگ دهس كهیمنه خوهينیشانداين له ههمان شوون و داوايش كرديمنه له مهرزهیل تر جوور پهروێزخان و حاجی ئۆمهران و باشماخ ك ئهوانیش بانه دهم ئيمه و خوهینيشانداين بكهن جوور پشتگیری ئهرا ئيمه ئهرا ئهوهگ تهقالايلمان سهر بگرێ".
جی باسه ئاو ئهڵوهن وهرجله چوار ساڵ لهلایهن كۆمار ئسلامی ئيرانهو گیرياس، وهو خاتريشه نیشتهجايهيل شار خانهقین و ناوچهیل دهوروهری و ڕێكخرياگهیل كومهڵگای مهدهنی داوای وهرداين ئاو چهمهگه كهن.
| < پێشتر | دواتر > |
|---|
