شهفهق/ شهفهق/ عهلی حوسێن فهيلی پهرلهمانتار پهرلهمان كوردستان جهخت كرد: پلانهيل حكوومهت ئهرا لهيهكهوداين دوسيهی كوردهيل فهيلی له ئاست گونجياگ نيهو
لهههمان وهختيش له تهقالای كومهڵهی كورد فهيلی ئهرا تهرخان كردن گوژمهی داراييگ لهوهراوهر وهدهسهاوردن زانياريهيليگ لهبارهی قوروانيهيل كورد فهيلی ستايش كرد.
فهيلی له تهسريحيگ ئهرا شهفهق وت: له دهيهيل گوزهيشته كوردهيل فهيلی سهختيهيل فرهيگ لهدهس دهسهڵات شوفينی وهرين كيشان و دهسهڵات سياسی ئيسهی وڵات بايهد ئهی پێكهات گرنگه قهرهبوو بكا وهلی وهڕاسيهو تا ئيسه پلانهيل حكوومهت له ئاست گونجياگ نهوينه.
فهيلی ههميش وت: لهوهختيگ كوردهيل فهيلی چهوهڕی ئهكهن حكوومهت عيراق وهپيان گرنگی بيهێد و شوون شههيدهيل و قهورهيل دهسهجهميان دياری بكريهێد، كومهڵهی كورد فهيلی ئهی باوهته گرێده مل و گوژمهيگ ئهرا ئهی باوهته تهرخان ئهكا.
جی باسه كومهڵهی كورد فهيلی ئعلان كرد گوژمهی 10 مليون دينار پيشكهش ههر كهس ئهكا ك زانيارهيليگ لهبارهی شوون قوروانيهيل كورد فهيلی پيشكهش بكا. فهيلی لهیبارهو ئعلان كرد: ئهی دهسپيشخهريه فره گهوراس و ئيمه لهلی ستايش و پشتگيری كهيم وهلی ئهی جوور دهسپيشخهريهيليگ بايهد لهلايهن حكوومهت عيراق و كۆميساريايهيل جههانی جيوهجی بكريهێد.
ئهندام پهرلهمان كوردستان ههميش ئاشكرايهو كرد: لهوهختيگ راپۆرتهيل ئاماژه كهنه دهيان قهورسان دهسهجهمی كورد فهيلی، وهلی حكوومهت و لايهنهيل پهيوهندیدار تا ئيسه يهك قهورسان يا تهرم يهك كورد فهيلی نهينهسهو و تهنيا ئعلان ئهكهن ك پسپۆرهيليگ لهی بارهو وجود نهيرن، ئهوهيش لهوهختيگ هاووڵاتی كورد فهيلی ئهی باوهڕه ديرێ ك كهم تهرخهمييگ لهلايهن حكوومهت وجود ديرێ.
| < پێشتر | دواتر > |
|---|
