شهفهق/ لهشوون دهنگداين له بان پرۆژه یاسای مقهيهتيكردن رووژنامهنويسهيل لهپهرلهمان دهنگدريهێد لهبان
پرۆژهیاسای وهكارهاوردن زووان كوردی لهگشت عیراق.
موئهیهد تهیب ئهندام لیژنهی رووشنهویری و رهسانن لهپهرلهمان عیراق وهئاژانسهيل ههواڵ وت، لیژنهگهیان لهدانیشتنهیل گوزهيشته گفتوگوو كردگه لهبان پرۆژه یاسای وهكارهاوردن زووان كوردی له سهرتاسهر عیراق و ئهرا ئهو مهبهسيشه نزیكهی 30 ئمزا لهناو پهرلهمان گردهوكرياسهو.
موئهید تهیب ك لهههمان وهخت قسيهكهر ئیئتلاف فراكسیۆنهيل كوردستانیه لهدريژهی قسهگانی ههميش وت، لهشوون دهنگداين لهبان پرۆژه یاسای مقهيهتيكردن رووژنامهنويسهيل پرۆژه یاسای وهكارهاوردن زووان كوردی گفتووگوو لهبانى ئهكريهێد و ئهخريهێده دهنگداين.
ئاشكرايشيهوكرد، ئهو پرۆژه یاسا له دهستوور ئاماژه وهپى كرياس و ئويشێ، زووان رهسمی عیراق ههردو زووان كوردی و عهرهبیه.
| < پێشتر | دواتر > |
|---|
