شهفهق/ عهلی حوسێن فهيلی پهرلهمانتار پهرلهمان كوردستان ئاشكرايهو كرد پرۆژهيگ وجود ديرێ ك لهلايهن پهرلهمانتارهيل ئمزا كرياس و له
حكوومهت عێراق ئهخوازێ ياسای دادگای تاوانهيل ناودهوڵهتی ئمزا بكا و وهپی پابهند بوود ك ئهی پرۆژه ئهرا سهرۆكايهتی پهرلهمان بهرزهو كرياس.
فهيلی ك ئهندام ليژنهی ماف ئادهميزاد له پهرلهمان كوردستانه ئهرا شهفهق ئاشكرايهو كرد: 66 پهرلهمانتار ك نوێنهر فراكسيونهيل سياسی جوور وهجوور له پهرلهمان كوردستانن ئهی پرۆژه ئمزا كردنه و ئهخوازن له حكوومهت عێراق داوا بكهن پهيماننامهی روما ئمزا بكا و وه بڕيارهيل دادگای تاوانهيل ناودهوڵهتی پابهند بوود.
فهيلی لهبارهی مهمهر پيشكهش كردن ئهی پرۆژه وت: لهشوون دهركردن بڕيارهيل ئيدانهی فرهيگ وه ههق وهرپرسهيل دهسهڵات ديكتاتوری وهرين لهلايهن دادگای تاوانهيل باڵای عێراقی تايبهت وه توانهيل دهسهڵات شوفينی وهرين و دگانناين وه تاوانهيل جينۆسايد فرهيگ و پابهنديهيليگ وهگورهی پهيماننامهی رۆما دياری كريانه بايهد ئامادهكاريهيليگ جيوهجی بكريهێ ئهرا زامن كردن دادوهری وه ههق قوربانيهيل و خێزانهيليان و حكوومهت عێراقی بايهد پهيماننامهی روما ئمزا بكا.
عهلی حوسێن فهيلی ههميش ئاشكرايهو كرد: ئمزا نهكردن پهيماننامهی رۆما لهلايهن حكوومهت عێراق ئهی نگرانيهيله وهدی تيهرێ ك ئهو تاوانهيله ك له گوزهيشته له دژ مللهت كورد و مللهت عێراق وهگشتی جيوهجی كريانه دووارهو بوود.
جی باسه وهگورهی پهيماننامهی رۆما دادگای تاوانهيل ناودهوڵهتی ك يهكمين دادگايگه تويهنێ تاوانبارهيليگ له تاوانهيل كوشتار دهسهجهمی و تاوانهيل دژ وه ئنسانيهت و تاوانهيل جهنگ و دهسدريژی دهسداشتنه دادگايی بكا له ساڵ 1998 دامهزريا و عێراق له ساڵ 2005 رهزامهندی خوهی نيشاندا تا لهی پهيماننامه بهشداری بكا وهلی لهشوون دو ههفته وهخاتر سهبهبيل نادياريگ لهی بڕياريه كيشارهو.
| < پێشتر | دواتر > |
|---|
