شهفهق/ وهرپرس پهیوهندییهل دهرهكی ههرێم كوردستان ئاشكرايهو كرد، له ههرێم كوردستان 20 نوێنهرایهتى
دیبلۆماسى ههس و فرهتريشیان كونسوڵخانهى گشتیين، له كووتایى ئمساڵیش كونسوڵخانهگان زیاێ ئهكهن.
فهلاح مستهفا سهرۆك فهرمانگهى پهیوهندیهىل دهرهكی ههرێم كوردستان وه رووژنامهى (شرق الاوسط) وت "چهوهڕی ئهكريهێ تا كووتایى ئمساڵ شومارهى كونسوڵخانهيل وڵاتهيل عهرهبى له ههرێم كوردستان بڕهسێده پهنج كونسوڵخانه، ئيسهيش 20 نوێنهرایهتى دیبلۆماسى كار كهن ك بڕێگیان كونسوڵخانهى گشتیين بڕێگیش ئۆفیس باڵوێزخانهگاننو ئهواكانتريش كونسوڵخانهى فهخرین".
له ههرێم كوردستان بڕێگ له كونسوڵخانهى وڵاتهيل ئهوروپىو وڵاتهيل جیاجیاو وڵاتهيل هاوسا كريانهسهو، وهلی وڵاتهيل عهرهبی كونسوڵخانهیان كهمه له ههرێم كوردستان و تا ئيسه تهنيا مسر و ئوردن كونسوڵخانه ديرن.
فهلاح مستهفا وت "بڕێگ وڵات كانديدهيليان دهسنیشان كردنه ئهرا كاركردن جوور كونسوڵ له كوردستان ئهوهيش وه ههماههنگى وهل ئيمهو وهزارهت خارجيهى عێراق ئهنجام ئهدريهێ، وهوهيش شومارهى كونسوڵخانهگان روی له زیايبوين ئهكات".
ئهو وڵاتهيله ك كانديدهيليان پێشكهش كردنه ئهرا كونسوڵو وازكردن كونسوڵخانه له ههرێم كوردستان ئهيانهن: رۆمانیا ك ئێتا ئۆفیسيگ بازرگانى ديرێ، بیلا روسیا، بوڵغاریا، پۆڵهندا، ههنگاریا، كرواتیا، نهرویج، لوبنان بڕیاردانه ك كونسوڵخانهی فهخرى بكهنهو له ههرێم كوردستان، بيجگه لهوهيش ئمارات عهرهبى یهكگرتگ، دهسهڵات فهلهستینیش بڕیاردانه كونسوڵیه له كوردستان بكهنهو.
مستهفا لهبارهى شومارهو چوينیهتى كاركردن نوێنهرایهتییهيل ههرێم كوردستان له وڵاتهيل جههان وت "ئيسه ههرێم كوردستان 12 نوێنهرایهتى ديرێ له وڵاتهيل جههان و لهوهخت گونجياگ تويهنیمن نوێنهرایهتى تريش بكهیمنهو، بيجگه لهوهيش ئيمه كار ئهكهیمن وهل حكوومهت عێراق وهگورهى دهستور ئهرا پهياكردن میكانیزميگ ئهرا كاركردن نوێنهرایهتییهيلمان لهناو چوارچيوهى باڵوێزخانهيل عێراق له جههان".
| < پێشتر | دواتر > |
|---|
