شهفهق/ پهرلهمانتاريگ سهر وه ئيئتلاف فراكسيونهيل كوردستانی لهبان زهرورهت وهرپايی نيشتنيگ لهناونی
نوری مالكی و ئهياد عهللاوی جهخت كرد و وت: سهرۆك پهرلهمان عێراق له سهرۆك كومار داواكردگه ك سهرۆكهيل دهوڵهت ياسا و عێراقيه له نيشتنيگ گردهو بكا ئهرا چارهسهركردن قهيران سياسی ناونييان.
ئاڵا تاڵهبانی له تهسريحيگ ئهرا شهفهق وت: نيشتن نوری مالكی سهرۆك وهزيرهيل عێراق و سهرۆك ئيئتلاف دهوڵهت ياسا و ئهیاد عهللاوی سهرۆك ليست عێراقيه زهروريهو بويهو گشت كوتلهيل سياسی داوای كهن. و لهههمان وهختيش ئاشكرايهو كرد: له نيشتن سهركردهیل كوتلهيل سياسی وهل سهرۆك پهرلهمان لهبان زهرورهت گردهوبوين نوری مالكی و ئهياد عهللاوی له يهك نيشتن جهخت كرياگه تا باوهتهيل يهكلاوهنهكرياگ لهيهكهو بدريهن و وهقهيران وڵات كووتايی بيهێد.
تاڵهبانی ههميش ئاشكرايهو كرد: سهرۆك پهرلهمان عێراق وهشيوهی راسهوخۆ له سهرۆك كومار داواكرد دخالهت بكا ئهرا ههرچ زويتر گردهوبوين سهرۆكهيل ئيئتلاف دهوڵهت ياسا و ليست عێراقيه و لهههمان وهختيش پيشبينی كرد عهللاوی وهی زويه ئهرا بهغدا گلهو بخواد و گفتوگووهيل ناونی كوتلهيل سياسی ئهرا كووتايی هاوردن وه قهيران سياسی وڵات دهس وهپی بكا.
| < پێشتر | دواتر > |
|---|
